14 பேரைச் சயனைடு விஷம் கொடுத்துக் கொன்ற தாய்லாந்து பெண்ணுக்கு மரண தண்டனை விதிக்கப்பட்டது 

பேங்காக்:

மோசமான தொடர் கொலைகாரர்களில் ஒருவர் என்று கூறப்படும் தாய்லாந்து பெண் 14 கொலை வழக்குகளில் முதல் விசாரணையில், நண்பருக்கு சயனைடு விஷம் கொடுத்ததற்காக குற்றவாளி என நிரூபிக்கப்பட்டு மரண தண்டனை விதிக்கப்பட்டுள்ளார்.

இணையச் சூதாட்ட அடிமையாக வர்ணிக்கப்படும் Sararat Rangsiwuthaporn பாதிக்கப்பட்டவர்களிடமிருந்து ஆயிரக்கணக்கான டாலர்களை மோசடி செய்ததாகக் குற்றம் சாட்டப்பட்டவர்.

தனது நண்பரான சிரிபோர்ன் கான்வாங்கை விஷம் வைத்து கொன்றதாக பாங்காக் நீதிமன்றம் புதன்கிழமை தீர்ப்பளித்தது. 

கடந்த ஆண்டு ஏப்ரல் மாதம் பௌத்த சடங்குகளின் ஒரு பகுதியாக மே க்ளோங் ஆற்றில் மீன்களை விடுவதற்காக இருவரும் பாங்காக் அருகே சந்தித்தனர். சிறிது நேரத்தில் சிரிபோர்ன் சுருண்டு விழுந்து இறந்தார், மேலும் விசாரணையாளர்கள் அவரது உடலில் சயனைட்டின் தடயங்களைக் கண்டறிந்தனர்.

2015 ஆம் ஆண்டு வரையிலான முன்னர் தீர்க்கப்படாத சயனைடு விஷத்துடன் Sararat-த்தை பொலிசார் தொடர்புபடுத்த முடிந்தது என்று அதிகாரிகள் தெரிவித்தனர்.

“நீதிமன்றத்தின் முடிவு நியாயமானது,” என்று சிறிபோர்னின் தாயார் டோங்பின் கிச்சனாசிரி, தீர்ப்புக்குப் பிறகு செய்தியாளர்களிடம் கூறினார்.

சாரத், சூதாட்டத்திற்கு அடிமையாகி, பாதிக்கப்பட்டவர்களிடம் இருந்து பணத்தைக் கடனாகப் பெற்றுள்ளார்.

அவளுக்கு நிறைய கிரெடிட் கார்டு கடன் இருப்பதால், அவள் தனக்குத் தெரிந்தவர்களிடம் பணம் கேட்டாள். அவர்கள் அவளிடம் பணத்தைத் திரும்பக் கேட்டால், அவள் அவர்களைக் கொல்லத் தொடங்கினாள் என்று அதுணை தேசிய காவல்துறைத் தலைவர் சுராசேட் ஹக்பர்ன் கூறினார்.

சிறிபோரின் கொலைக்கு உடந்தையாக இருந்ததற்காக சரரத்தின் முன்னாள் கணவர், போலீஸ் லெப்டினன்ட் கர்னலுக்கு 16 மாத சிறைத்தண்டனையும், அவரது முன்னாள் வழக்கறிஞருக்கு இரண்டு ஆண்டுகள் சிறைத்தண்டனையும் விதிக்கப்பட்டதாக பாதிக்கப்பட்ட குடும்பத்தின் வழக்கறிஞர் தெரிவித்தார்.

- அஸ்வினி செந்தாமரை