சாலையின் முன் குதித்த மாது; சாலையிலேயே படுத்துக்கொண்டு ரகளை: சக வாகனமோட்டிகள் அதிர்ச்சி 

ஜகார்த்தா: 

திடீரென்று மாது ஒருவர் சாலையின் முன் குதித்த நிலையில் சாலையிலேயே படுத்துக்கொண்டு ரகளையில் ஈடுபட்ட சம்பவம் இங்குள்ள மேற்கு ஜாவா பிராந்தியத்தில் நிகழ்ந்துள்ளது 

கடந்த வெள்ளிக்கிழமை நடந்ததாக நம்பப்படும் இந்த சம்பவமானது அந்த பகுதியைக் கடக்கும் சக வாகனமோட்டிகளை அதிர்ச்சிக்குள்ளாக்கியுள்ளது. 

காரின் முன் மாது ஒருவர் குதித்ததோடு சாலையிலேயே படுத்து கொண்டார். ஒருவேளை இது புதிய வழிப்பறி திட்டமாக இருக்குமோ என்று சிலர் தங்களின் அச்சத்தை வெளிப்படுத்தினர். 

சாலையில் படுத்துகொண்ட மாதுவின் அருகில் சென்ற பொதுமக்கள் அப்பெண்ணை தூக்கிவிட யாரும் தைரியம் காட்டவில்லை. 

இறுதியாக, டாக்சி ஓட்டுநர் ஒருவர் அங்கு வந்து அப்பெண்ணைத் தூக்கி விட்டு உதவி செய்தார் 

இந்த சம்பவம் அடங்கிய காணொலி சமூக ஊடகங்களில் வைரலாகியுள்ளது

-மவித்திரன்