மென்செஸ்டர் யுனைடெட் அணியின் புதிய நிர்வாகியாக ரூபன் அமோரிம் நியமனம்

லண்டன்:

மென்செஸ்டர் யுனைடெட் கால்பந்து அணியின் புதிய நிர்வாகியாக ரூபன் அமோரிம் நியமிக்கப்பட்டுள்ளார். 

இதனை அக் கிளப் நிர்வாகம் அதிகாரப்பூர்வமாக அறிவித்துள்ளது.

மென்செஸ்டர் யுனைடெட் அணியின் மோசமான சரிவை தொடர்ந்து அதன் நிர்வாகி எரிக் தென் ஹாக் பதவியில் இருந்து நீக்கப்பட்டார்.

இதனைத் தொடர்ந்து அடுத்த நிர்வாகியை நியமிக்கும் நடவடிக்கைகளில் அக்கிளப் தீவிரமாக ஈடுபட்டது.

இந்நிலையில் ஸ்போர்ட்டிங் லிஸ்பனின் நிர்வாகியான ரூபன் அமோரிம், 

அடுத்த யுனைடெட் நிர்வாகியாக பொறுப்பேற்பார் என அக்கிளப் அறிவித்துள்ளது.

ஸ்போர்ட்டிங்குடன் அவருக்கிருக்கும் ஒப்பந்தத்தை முடித்துக்கொள்ளத் தேவையான 8.3 மில்லியன் பவுண்ட் தொகையை செலுத்த மென்செஸ்டர் யுனைடெட் முன்வந்துள்ளது.

இதனை தொடர்ந்து ரூபன் அமோரிம் விரைவில் மென்செஸ்டர் யுனைடெட் அணியுடன் இணைய உள்ளார்.

2027 ஜூன் மாதம் வரை அவர் அப்பொறுப்பை வகிப்பார் என்பது குறிப்பிடத்தக்கது.

- பார்த்திபன் நாகராஜன்