ஐரோப்பிய சாம்பியன் லீக்: மென்செஸ்டர் சிட்டி அபாரம்

லண்டன்:

ஐரோப்பிய சாம்பியன் லீக் கிண்ண கால்பந்துப் போட்டியில் மென்செஸ்டர் சிட்டி அணியினர் அபார வெற்றியை பதிவு செய்தனர்.

எதிஹாட் அரங்கில் நடைபெற்ற ஆட்டத்தில் மென்செஸ்டர் சிட்டி அணியினர் ஸ்பார்தா பராகே அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய மென்செஸ்டர் சிட்டி அணியினர் 5-0 என்ற கோல் கணக்கில் ஸ்பார்தா பராகே அணியை வீழ்த்தி வெற்றி பெற்றனர்.

மென்செஸ்டர் சிட்டி அணிக்காக எர்லிங் ஹாலண்ட் இரு கோல்களை அடித்தார். மற்ற கோல்களை பில் போடன், ஜோன் ஸ்டோன்ஸ், மேத்தியூ நூனாஸ் ஆகியோர் அடித்தனர்.

மற்றொரு ஆட்டத்தில் லிவர்பூல் அணியினர் 1-0 என்ற கோல் கணக்கில் ஆர்பி லெஸ்பிக் அணியை வீழ்த்தி வெற்றி பெற்றனர்.

- பார்த்திபன் நாகராஜன்