ஃபிஃபா உலகக் கிண்ணத் தகுதிச்சுற்றில் மாஸ் காட்டிய தமிழரின் வீடியோ வைரல் 

கனாபெரா: 

2026-ஆம் ஆண்டுக்கான பிஃபா உலகக் கிண்ணக் கால்பந்து போட்டிக்கான ஆசிய தகுதிச் சுற்றில் ஆட்டத்தில் ஆஸ்திரேலியத் தேசிய கால்பந்து அணியில் நிஷான் வேலுப்பிள்ளை என்ற தமிழர் அறிமுகமானார்.

இலங்கையைப் பூர்வீகமாகக் கொண்ட கொண்ட 23 வயதான நிஷான் வேலுப்பிள்ளை 2019-ஆம் ஆண்டு முதல் ஆஸ்திரேலியாவில் அடிலெய்டு யுனைடெட் அணிக்காக விளையாடி வருகிறார்.

பிபா உலகக்கோப்பை தகுதிச் சுற்று போட்டிகளில் ஆஸ்திரேலிய அணி தொடர்ந்து பின்னடைவை வந்த நிலையில், அணியின் மேலாளராக புதிதாக பொறுப்பேற்ற டோனி போபாவிக் வியாழக்கிழமை நடைபெற்ற சீனாவுக்கு எதிரான போட்டியில் நிஷான் வேலுப்பிள்ளையைச் சேர்த்தார்.

ஆஸ்திரேலிய அணிக்காக மாற்று வீரராக போட்டியின் 83-ஆவது நிமிடத்தில் களம் நுழைந்த நிஷான் அடுத்த 7 நிமிடத்தில் தனது அறிமுக போட்டியில் முதல் சர்வதேச கோலை அடித்து அணியின் வெற்றிக்கு முக்கிய பங்களித்தார்.

அவர் ஆஸ்திரேலிய அணிக்காக கோல் அடித்த வீடியோ இணையத்தில் வைரலாகி வருகிறது.

மேலும், அவர் அணிந்திருந்த 7 என்ற எண் கொண்ட ஜெர்சியும் ரசிகர்களை கவர்ந்துள்ளது. கிறிஸ்டியானோ ரொனால்டோவின் ஜெர்சி எண்ணும் 7 என்பது குறிப்பிடத்தக்கது.

இதற்கிடையே, நிஷான் வேலுப்பிள்ளையின் கோல் மூலம் வெற்றி பெற்ற ஆஸ்திரேலிய கால்பந்து அணி, ஃபிஃபா உலகக் கிண்ணத்திற்கு செல்லும் தகுதி வாய்ப்பை தக்க வைத்துள்ளது.

- அஸ்வினி செந்தாமரை