எப்ஏ கிண்ணம்: காலிறுதியாட்டத்தில் கெடா

கூலிம்:

எப்ஏ கிண்ண கால்பந்துப் போட்டியின் காலிறுதி ஆட்டத்திற்கு கெடா அணியினர் முன்னேறி உள்ளனர்.

டாருல் அமான் அரங்கில் நடைபெற்ற சுற்று 16 ஆட்டத்தில் கெடா அணியினர் புக்கிட் தம்பூன் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய கெடா அணியினர் 5-0 என்ற கோல் கணக்கில் புக்கிட் தம்பூன் அணியை வீழ்த்தி வெற்றி பெற்றனர்.

இந்த வெற்றியை தொடர்ந்து கெடா அணியினர் அடுத்த சுற்றுக்கு முன்னேறினர்.

மற்றொரு ஆட்டத்தில் திரெங்கானு அணியினர் 2-1 என்ற கோல் கணக்கில் பேரா அணியை வீழ்த்தி அடுத்த சுற்றுக்கு முன்னேறினர்.

மற்ற ஆட்டங்களில் பினாங்கு, கூச்சிங் அணிகள் வெற்றி பெற்றன.

- பார்த்திபன் நாகராஜன்