சவூதி புரோ லீக் கிண்ணம்: அல் நசர் அணி வெற்றி

ரியாத்:

சவூதி புரோ லீக் கிண்ண கால்பந்து போட்டியில் அல் நசர் அணியினர் வெற்றி பெற்றனர்.

அல் அவால் பார்க் அரங்கில் நடைபெற்ற ஆட்டத்தில் அல் நசர் அணியினர் அல் டவுன் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய அல் நசர் அணியினர் 1-0 என்ற கோல் கணக்கில் அல் டவுன் அணியை வீழ்த்தி வெற்றி பெற்றனர்.

எதிரணி ஆட்டக்காரர் தவறுதலாக கோல் அடித்ததால் அல் நசர் அணியின் தலை தப்பியது என்பது குறிப்பிடத்தக்கது.

மற்றொரு ஆட்டத்தில் அல் ஹசாம் அணியினர் 2-1 என்ற கோல் கணக்கில் டமாக் அணியை வீழ்த்தி வெற்றி பெற்றனர்.

அல் லித்திஹாட் அணியினர் 2-1 என்ற கோல் கணக்கில் அல் ஒக்டாட் அணியை வீழ்த்தி வெற்றி பெற்றனர்.

- பார்த்திபன் நாகராஜன்