இந்தியா கூட்டணிக்கு வெளியில் இருந்து ஆதரவு: மம்தா திடீர் முடிவு

கொல்கத்தா:

இந்தியா கூட்டணி வெற்றி பெற்று ஆட்சி அமைத்தால் திரிணமூல் காங்கிரஸ் வெளியிலிருந்து ஆதரவு அளிக்கும் என அக்கட்சியின் தலைவரும், மேற்கு வங்க முதல்வருமான மம்தா பானர்ஜி கூறினார்.

மேற்கு வங்கத்தில் இந்தியா கூட்டணியில் உள்ள காங்கிரஸ், இடதுசாரிகளுக்கு மம்தா தொகுதி ஒதுக்கவில்லை. இந்நிலையில், இந்தியா கூட்டணி வென்று ஆட்சி அமைத்தால் வெளியில் இருந்து ஆதரவு அளிக்கப்படும்.

கூட்டணி ஆட்சிக்குத் தேவையான அனைத்து உதவிகளையும் வெளியில் இருந்தே வழங்குவோம் என்று  மம்தா பானர்ஜி தெரிவித்தார்.

மேற்கு வங்கத்தில் தேர்தல் பிரசாரம் சூடு பிடித்துள்ளநிலையில், தனித்து போட்டியி்டும் மம்தா வாக்காளர்களை கவர இந்த அறிவிப்பை வெளியிட்டுள்ளதாக கூறப்படுகிறது.

- ஆர்யன்