இங்கிலாந்து பிரிமியர் லீக் மென்செஸ்டர் சிட்டி சமநிலை

லண்டன்:

இங்கிலாந்து பிரிமியர் லீக் கிண்ண கால்பந்துப் போட்டியில் மென்செஸ்டர் சிட்டி அணியினர் சமநிலை கண்டனர்.

எதிஹாட் அரங்கில் நடைபெற்ற ஆட்டத்தில் மென்செஸ்டர் சிட்டி அணியினர் லிவர்பூல் அணியை சந்தித்து விளையாடினர்.

இரு முன்னணி அணிகள் மோதியதால் மிகுந்த எதிர்பார்ப்புகளுக்கு மத்தியில் ஆட்டம் நடைபெற்றது.

இதில் மென்செஸ்டர் சிட்டி அணியினர் 1-1 என்ற கோல் கணக்கில் லிவர்பூல் அணியுடன் சமநிலை கண்டனர்.

மென்செஸ்டர் சிட்டி அணியின் கோலை எர்லிங் ஹாலண்ட் அடித்த வேளையில் லிவர்பூல் அணியின் கோலை அலெக்ஸாண்டர் அர்னால்டு அடித்தார்.

மற்றொரு ஆட்டத்தில் அர்செனல் அணியினர் 1-0 என்ற கோல் கணக்கில் பிரின்போர்ட் அணியை வீழ்த்தி வெற்றி பெற்றனர்.

செல்சி அணியினர் 1-4 என்ற கோல் கணக்கில் நியூகாஸ்டல் அணியிடம் தோல்வி கண்டனர்.

- பார்த்திபன் நாகராஜன்