காசா சிட்டியின் பெரிய மருத்துவமனையின் சேவை நிறுத்தம்: இன்குபேட்டரில் உள்ள குழந்தைகள் உயிரிழப்பு

காசா சிட்டி:

காசாவின் மிகப் பெரிய மற்றும் முக்கிய மருத்துவமனையான அல்ஷிஃபாவில் இஸ்ரேல் படையினர் நடத்தி வருவாதல் அந்த மருத்துவமனையில் மருத்துவ சேவைகள் நிறுத்தப்பட்டுள்ளன.

இதனால் இஸ்ரேல் குண்டுவீச்சில் படுகாயமடைந்து அந்த மருத்துவமனைக்கு கொண்டு வரப்பட்டவர்கள் உடனடியாக உயிரிழக்கும் அபாயம் ஏற்பட்டுள்ளது.

மருத்துவமனையில் எரிபொருள் முற்றிலும் தீர்ந்துவிட்டது. அதனால் அந்த மருத்துவமனையில் ஜெனரேட்டர்கள் இயங்காமல் மின் இணைப்பு துண்டிக்கப்பட்டுள்ளது.

இதன் விளைவாக, "இன்குபேட்டரில்' வைக்கப்பட்டிருந்த ஒரு சிசு உயிரிழந்தது. இதுபோல் அங்கு 45 சிசுக்கள் உள்ளன என்று காசா சுகாதாரத் துறை அமைச்சகத்தின் செய்தித்தொடர்பாளர் அஷ்ரஃப் அல்கீத்ரா கூறினார்.

- ஆர்யன்