32 உறுப்பினர்கள் எம்.ஏ.சி.சி.-ஆல் தடுத்து வைக்கப்பட்டுள்ளனர் – ஜேபிஜே உறுதிப்படுத்தியது

அதிகாரத் துஷ்பிரயோகம் மற்றும் ஊழல் போன்ற எந்தவொரு கூறுகளிலிருந்தும் திணைக்களம் எப்போதும் சுத்தமாக இருப்பதை உறுதிசெய்யும் முயற்சியில், அவர்களுக்கும் எம்.ஏ.சி.சிக்கும் இடையிலான நெருக்கமான ஒத்துழைப்பின் விளைவாக இந்த நடவடிக்கை எடுக்கப்பட்டுள்ளதாக ஜே.பி.ஜே. ஓர் அறிக்கையில் தெரிவித்தது.

“ஜே.பி.ஜே.-இன் உயர் நிர்வாகம், அத்தகைய நடவடிக்கை ஒரு தெளிவான வெளிப்பாடாக இருக்கும் என்று நம்புகிறது, ஜே.பி.ஜே.-இன் மதிப்பு மற்றும் நற்பெயரைப் பாதிக்கக்கூடிய எந்தவொரு செயலுடனும் சமரசம் செய்ய முடியாது.

“அனைத்து தரப்பினரின், குறிப்பாக ஜேபிஜே ஊழியர்களின் வலுவான ஒத்துழைப்பு இல்லாமல் இந்த முயற்சி வெற்றிபெறாது,” என்று அந்த அறிக்கையில் தெரிவிக்கப்பட்டுள்ளது.

எனவே, ஜே.பி.ஜேயின் உயர் நிர்வாகத்தினர் தங்கள் கடமைகளை நிறைவேற்றிய ஊழியர்களுக்குப் பாராட்டுகளைத் தெரிவித்தனர்.

பல மாநிலங்களில் குற்றங்களைச் செய்த லாரி ஓட்டுநர்களைப் பாதுகாப்பதில் ஈடுபட்டதாகச் சந்தேகிக்கப்படும் 32 ஜேபிஜே அதிகாரிகள், ஒரு போக்குவரத்து போலீஸ்காரர் மற்றும் முன்னாள் போக்குவரத்து போலீஸ்காரர் உட்பட 44 நபர்களை எம்ஏசிசி கைது செய்ததாக ஊடகங்கள் நேற்று செய்தி வெளியிட்டுள்ளன.

கெடா, பினாங்கு, பேராக், பெர்லிஸ் மற்றும் மலாக்கா ஆகிய இடங்களில் பெரிய அளவிலான சோதனை நடவடிக்கை மேற்கொள்ளப்பட்டது, அதிகச் சுமைகளை ஏற்றிச் செல்வது மற்றும் வாகனத்தின் தொழில்நுட்ப அம்சங்களைப் பூர்த்தி செய்யாதது போன்ற குற்றங்களைச் செய்த லாரி ஓட்டுநர்களைப் பாதுகாப்பது போன்ற சந்தேகத்தின் பேரில் இது மேற்கொள்ளப்பட்டது.