புரோட்டோன் கார்களின் விற்பனை தொடர்ந்து உயர்வு

கோலாலம்பூர்: 

நாட்டின் தேசிய கார் உற்பத்தியாளரான புரோட்டோன்  அதன் கார் விற்பனை உயர்வு கண்டுள்ளதாக புரோட்டோன் ஹோல்டிங்ஸ் பெர்ஹாட் தெரிவித்துள்ளது. 

கடந்தாண்டு பிப்ரவரி மாதத்தை காட்டிலும் இவ்வாண்டு பிப்ரவரி மாதம் 52 விழுக்காடு கூடுதலாக கார் விற்பனை செய்யப்பட்டுள்ளதாக அந் நிறுவனம் குறிப்பிட்டது. 

நாட்டு மக்களிடையே புரோட்டோன் ரக கார்களை வாங்கும் ஆர்வம் அதிகரித்துள்ளது.

இந்நிலையில் புரோட்டோன் கார்களும் அதிகப்படியாக விற்பனை செய்யப்படுவதால் நிறுவனத்தின் 7.3 விழுக்காடு பங்குகள் உயர்வு அடைந்ததாக புரோட்டோன் தலைமை செயல்முறை அதிகாரி ரொஸ்லான் அப்துல்லா சொன்னார். 

-மவித்திரன்