ஆஸ்திரேலிய டென்னிஸ் போட்டி 4ஆவது சுற்றில் போராடி வென்ற சிட்சிபாஸ்

மெல்பர்ன்:

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய ஓபன் டென்னிஸ் போட்டி மெல்பர்னில் நடந்து வருகிறது. 

இதில் ஒற்றையர் பிரிவில் 4-ஆவது சுற்று ஆட்டங்கள் நேற்று நடந்தன. இதில் குறிப்பாக உலகத் தரவரிசையில் 4ஆவது இடத்தில் உள்ள ஸ்டெபனாஸ் சிட்சிபாஸ் 4ஆவது சுற்றை கடக்க ஒரு யுத்தமே நடத்த வேண்டி இருந்தது. சின்னர் அவ்வளவு எளிதாக விட்டுக் கொடுக்கத் தயாராக இல்லை. அவரும் இறுதிவரை போராடினார்.

இரவில் களம் புகுந்த அவர் 6-4, 6-4, 3-6, 4-6, 6-3 என்ற செட் கணக்கில் ஜானிக் சின்னெரை (இத்தாலி) வீழ்த்தினார். வெற்றிக்காக சிட்சிபாஸ் 4 மணி நேரம் போராட வேண்டி இருந்தது.

- செய்திப்பிரிவு