உலகக் கிண்ண போட்டியில் வெற்றி தேசிய விடுமுறை அறிவித்தது சவூதி அரேபியா

டோஹா:

உலகக் கிண்ண கால்பந்துப் போட்டியில் கண்ட வெற்றியை தொடர்ந்து சவூதி அரேபியா தேசிய விடுமுறையை அறிவித்தது.

நேற்று நடந்த லீக் போட்டியில் மெஸ்சியின் அர்ஜென்டினா அணியை 1-2 என்ற கோல் கணக்கில் சவுதி அரேபியா வீழ்த்தி அசத்தியது. 

முதல் பாதி முடிவில் 1-0 என அர்ஜென்டினா முன்னிலை வகித்தது.

இரண்டாவது பாதியில் சவூதி அரேபியா வீரர்களின் அசத்தலான ஆட்டத்தால் அந்த அணி 2-1 என வெற்றி பெற்றது. 

சவூதி அரேபிய அணியின் வெற்றியை ஒட்டுமொத்த அரேபிய நாடுகளும் கொண்டாடி வருகின்றன. 

இந்நிலையில், சவூதி அரேபியா வெற்றியைக் கொண்டாடும் விதமாக நாடு முழுதும் இன்று ஒருநாள் தேசிய விடுமுறை அறிவித்து சவூதி மன்னர் உத்தரவிட்டுள்ளார்.