இங்கிலாந்து பிரிமியர் லீக்: மென்செஸ்டர் சிட்டி வெற்றி

லண்டன்:

இங்கிலாந்து பிரிமியர் லீக் கால்பந்து போட்டியில் மென்செஸ்டர்  சிட்டி அணியினர் வெற்றி பெற்றனர்.

எதிஹாட் அரங்கில் நடைபெற்ற ஆட்டத்தில் மென்செஸ்டர் சிட்டி அணியினர் வோல்வேர்ஹாம்டன் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய மென்செஸ்டர் சிட்டி அணியினர் 2-0 என்ற கோல் கணக்கில் வோல்வேர்ஹாம்டன் அணியை வீழ்த்தி வெற்றி பெற்றனர்.

மென்செஸ்டர் சிட்டி அணியின் வெற்றி கோல்களை ஒமார் மார்மோஸ், அந்தோனி செமான்யோ ஆகியோர் அடித்தனர்.

மற்றொரு ஆட்டத்தில் லிவர்பூல் அணியினர் 2-3 என்ற கோல் கணக்கில் ஏஎப்சி போர்னமௌத் அணியிடம் தோல்வி கண்டனர்.

டோட்டன்ஹாம் அணியினர் 2-2 என்ற கோல் கணக்கில் பெர்ன்லி அணியுடன் சமநிலை கண்டனர்.

மற்ற ஆட்டங்களில் வெஸ்ட்ஹாம், புல்ஹாம் ஆகிய அணிகள் வெற்றி பெற்றன.

- பார்த்திபன் நாகராஜன்