ஐரோப்பிய சாம்பியன் லீக்: லிவர்பூல் அபாரம்

முனிச்:

ஐரோப்பிய சாம்பியன் லீக் கிண்ண கால்பந்து போட்டியில் லிவர்பூல் அணியினர் அபாரம் வெற்றியை பதிவு செய்தனர்.

டாய்ச் பேங்க் அரங்கில் நடைபெற்ற ஆட்டத்தில் லிவர்பூல் அணியினர் எய்ன்ட்ராக் பிரான்கர்ட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய லிவர்பூல் அணியினர் 5-1 என்ற கோல் கணக்கில் எய்ன்ட்ராக் பிரான்கர்ட் அணியை வீழ்த்தி வெற்றி பெற்றனர்.
லிவர்பூல் அணியின் வெற்றி கோல்களை ஹ்யூகோ எகிடிகே, வெர்ஜில் வான் டிஜ்க், இப்ராஹிமா கொனாடே, கோடி காக்போ, டொமினிக் ஸ்ஸோபோஸ்லாய் ஆகியோர் அடித்தனர்.

மற்றொரு ஆட்டத்தில் ரியல்மாட்ரிட் அணியினர் 1-0 என்ற கோல் கணக்கில் ஜூவாந்தஸ் அணியை வீழ்த்தி வெற்றி பெற்றனர்.

பாயர்ன் முனிச் அணியினர் 4-0 என்ற கோல் கணக்கில் புருகே கிளப் அணியை வீழ்த்தி வெற்றி பெற்றனர்.

செல்சி அணியினர் 5-1 என்ற கோல் கணக்கில் அஜெக்ஸ் ஆம்ஸ்டர்டாம் அணியை வீழ்த்தி வெற்றி பெற்றனர்.

டோட்டன்ஹாம் அணியின் கோல் எதுவும் அடிக்காமல் ஏஎஸ் மொனாக்கோ அணியுடன் சமநிலை கண்டனர்.

- பார்த்திபன் நாகராஜன்