அதிக கோல்கள்: தங்கக் காலணி விருது வென்ற மெஸ்ஸி

வாஷிங்டன்:

எம்எல்எஸ் தொடரில் லியோனல் மெஸ்ஸி முதல் முறையாக தங்கக் காலணி விருது வென்று வரலாறு படைத்துள்ளார்.

கிளப் போட்டிகளில் லா லீகா தொடருக்குப் பிறகு தனது முதல் தங்கக் காலணி வென்றுள்ளார்.

அர்ஜெண்டீனாவைச் சேர்ந்த லியோனல் மெஸ்ஸி எம்எல்எஸ் தொடரில் இந்தர் மியாமி அணிக்காக 2023 முதல் விளையாடி வருகிறார்.

இந்த சீசனில் மொத்தம் 29 கோல்கள், 16 அசிஸ்ட்ஸ் செய்து அசத்தினார். 

அதிக கோல்கள், அதிக அசிஸ்ட்ஸ் செய்து அசத்திய மெஸ்ஸிக்கு கோல்டன் பூட் விருது அறிவிக்கப்பட்டது.

இந்த சீசனில் 21 முறை ஆட்ட நாயகன் விருது வென்றுள்ளார். இரண்டாவது முறையாக ஹாட்ரிக் கோல் அடித்தும் அசத்தியுள்ளார் என்பது குறிப்பிடத்தக்கது.

- பார்த்திபன் நாகராஜன்