இங்கிலாந்து பிரிமியர் லீக்: மென்செஸ்டர் யுனைடெட் வெற்றி

லண்டன்:

இங்கிலாந்து பிரிமியர் லீக் கால்பந்து போட்டியில் மென்செஸ்டர் யுனைடெட் அணியினர் வெற்றி பெற்றனர்.

அன்பீல்டு அரங்கில் நடைபெற்ற ஆட்டத்தில் மென்செஸ்டர் யுனைடெட் அணியினர் லிவர்பூல் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய மென்செஸ்டர் யுனைடெட் அணியினர் 2-1 என்ற கோல் கணக்கில் லிவர்பூல் அணியை வீழ்த்தி வெற்றி பெற்றனர்.
மென்செஸ்டர் யுனைடெட் அணியின் வெற்றி கோல்களை பிரையன் எம்பியூமோ, ஹாரி மேகுயர் ஆகியோர் அடித்தனர்.

லிவர்பூல் அணியை சொந்த அரங்கில் வீழ்த்தியதை தொடர்ந்து மென்செஸ்டர் யுனைடெட் அணியின் ரசிகர்கள் மகிழ்ச்சியில் கொண்டாடி வருகின்றனர்.

மற்றொரு ஆட்டத்தில் அஸ்டன் வில்லா அணியினர் 2-1 என்ற கோல் கணக்கில் டோட்டன்ஹாம் அணியை வீழ்த்தி வெற்றி பெற்றனர்.

- பார்த்திபன் நாகராஜன்