யுஎஸ் ஓபன் டென்னிஸ்: ஜன்னிக் சின்னர், ஸ்வியாடெக் கால் இறுதிக்குள் நுழைந்தனர்

நியூயார்க்: ​

யுஎஸ் ஓபன் டென்​னிஸ் தொடரின் மகளிர் ஒற்​றையர் பிரிவு 4-வது சுற்​றில் 3-ம் நிலை வீராங்​க​னை​யான அமெரிக்​கா​வின் கோ கோ காஃப் அதிர்ச்சி தோல்வி அடைந்​தார். ஆடவர் பிரி​வில் ஜன்​னிக் சின்​னர், அலெக்ஸ் டி மினார், லோரென்சோ முசெட்டி உள்​ளிட்​டோர் கால் இறுதி சுற்​றுக்கு முன்​னேறினர்.

அமெரிக்​கா​வின் நியூ​யார்க் நகரில் நடை​பெற்று வரும் இந்​தத் தொடரில் ஆடவர் ஒற்​றையர் பிரிவு 4-வது சுற்​றில் முதல் நிலை வீரரும், நடப்பு சாம்​பியனு​மான இத்​தாலி​யின் ஜன்​னிக் சின்​னர் 6-1, 6-1, 6-1 என்ற நேர் செட் கணக்​கில் 23-ம் நிலை வீர​ரான கஜகஸ்​தானின் அலெக்​சாண்​டர் பப்​ளிக்கை வீழ்த்தி கால் இறுதி சுற்​றுக்கு முன்​னேறி​னார். கால் இறுதி சுற்​றில் ஜன்​னிக் சின்​னர், 10-ம் நிலை வீர​ரான இத்​தாலி​யின் லோரென்சோ முசெட்​டியை எதிர்​கொள்​கிறார். லோரென்சோ முசெட்டி 4-வது சுற்​றில் 6-3, 6-0, 6-1 என்ற செட் கணக்​கில் 44-ம் நிலை வீர​ரான ஸ்பெ​யினின் ஜேமி முனாரை தோற்​கடித்​தார்.
 
8-ஆம் நிலை வீர​ரான ஆஸ்​திரேலி​யா​வின் அலெக்ஸ் டி மினார் 6-3, 6-2, 6-1 என்ற செட் கணக்​கில் 435-ம் நிலை வீர​ரான சுவிட்​சர்​லாந்​தின் லியாண்ட்ரோ ரீடியை தோற்​கடித்து கால் இறுதி சுற்​றில் கால்​ப​தித்​தார். 

கால் இறுதி சுற்​றில் அலெக்ஸ் டி மினார், கனடா​வின் பெலிக்ஸ் ஆகர் அலி​யாசிமுடன் பலப்​பரீட்சை நடத்​துகிறார்.

25-ஆம் நிலை வீர​ரான பெலிக்ஸ் ஆகர் அலி​யாசிம் 4-ஆவது சுற்​றில் 7-5, 6-3, 6-4 என்ற செட் கணக்​கில் 15-ம் நிலை வீர​ரான ரஷ்​யா​வின் ஆந்த்ரே ரூப்​லெவை வீழ்த்​தி​னார்.

மகளிர் ஒற்​றையர் பிரிவு 4-ஆவது சுற்​றில் 3-ஆம் நிலை வீராங்​க​னை​யான அமெரிக்​கா​வின் கோ கோ காஃப், 23-ஆம் நிலை வீராங்​க​னை​யான ஜப்​பானின் நவோமி ஒசாக​வுடன் மோதி​னார். இதில் நவோமி ஒசாகா 6-3, 6-2 என்ற நேர் செட் கணக்​கில் கோ கோ காஃபை தோற்​கடித்து கால் இறுதி சுற்​றில் நுழைந்​தார். 

கால் இறுதி சுற்​றில் நவோமி ஒசா​கா, செக் குடியரசின் கரோலினா முச்​சோ​வாவுடன் மோதுகிறார்.

- ஆர்யன்