அண்ணா பெயரையே அடமானம் வைத்​துவிட்டது அதிமுக:  முதல்​வர் மு.க.ஸ்​டா​லின் சாடல்

 திருப்பத்தூர்: 

அண்​ணா, கருணாநிதி போன்ற தலை​வர்​களை கொச்​சைப்​படுத்தி வீடியோ போடு​கிறார்​கள், அதை அதி​முக​வினர் வேடிக்​கைப் பார்க்​கிறார்​கள். அண்ணா பெயரை அதி​முக அடமானம் வைத்​து​விட்​டது என்று முதல்​வர் மு.க.ஸ்​டா​லின் கூறி​னார்.

திருப்​பத்​தூர் மாவட்​டம் ஜோலார்​பேட்டை அடுத்த மண்​டல​வாடி பகு​தி​யில் நேற்று நடைபெற்ற அரசு விழா​வில் முடிவுற்ற பணி​களை திறந்​து​வைத்​தும், புதிய திட்​டப் பணி​களுக்கு அடிக்​கல் நாட்​டி​யும், பயனாளி​களுக்கு அரசு நலத்​திட்ட உதவி​களை வங்​கி​யும் முதல்​வர் மு.க.ஸ்​டா​லின் பேசி​ய​தாவது: மக்​கள் நலனில் அக்​கறை இல்​லாத கடந்த ஆட்​சி​யாளர்​களால் சீரழிந்த தமிழகத்​தின் வளர்ச்​சியை திரா​விட மாடல் அரசு கடந்த 4 ஆண்​டு​களில் மீட்​டெடுத்​துள்​ளது. தமிழகத்​துக்கு ஓரவஞ்​சனை செய்​யும் மத்​திய அரசால்​கூட நமது வளர்ச்​சியை மறைக்க முடிய​வில்​லை.

தமிழகம் 9.69 சதவீத வளர்ச்​சி​யுடன், மற்ற மாநிலங்​களை​விட பொருளா​தா​ரத்​தில் புதிய உச்​சத்தை அடைந்​திருப்​ப​தாக மத்​திய அரசு தெரி​வித்​துள்​ளது. திருப்​பத்​தூர் மாவட்​டத்​தில் ரூ.182 கோடி மதிப்​பில் குடிநீர் திட்​டம் செயல்​படுத்​தப்​பட்​டுள்​ளது. ரூ.425 கோடி​யில் சாலைகள் மேம்​படுத்​தப்​பட்​டு, 14 பாலங்​கள் கட்​டப்​பட்​டுள்​ளன.

இன்​னும் 5 மாதங்​களுக்​குள் தமிழ்​நாடு முழு​வதும் 5 லட்​சம் வீட்​டுமனை பட்​டாக்​கள் வழங்க இலக்கு நிர்​ண​யிக்​கப்​பட்​டது. இதை தாண்டி கடந்த டிசம்​பரில் இருந்து தற்​போது வரை 6.92 லட்​சம் பட்​டாக்​கள் வழங்​கப்​பட்​டுள்​ளன. மத்​திய அரசின் வீடு கட்​டும் திட்​ட​மான பிரதம மந்​திரி ஊரக குடி​யிருப்பு திட்​டத்​தில் ஒரு வீடு கட்ட ரூ.1.20 லட்​சம் ஒதுக்​கப்​படு​கிறது. இதில் 60 சதவீதம் நிதியை மத்​திய அரசும், 40 சதவீதம் நிதியை மாநில அரசும் தரு​கின்​றன.

மாநில அரசு நிதி வழங்​கி​யும், அதை மத்​திய அரசு திட்​டம் என்​கின்​றனர். பாஜக​வும், அதி​முக​வும் மக்களைப் பற்​றிக் கவலைப்​ப​டா​மல், மதத்​துக்​காக கவலைப்​படு​கிறார்​கள். கடந்த 4 ஆண்​டு​களில் 3 ஆயிரம் கோயில்​களுக்கு குட​முழுக்கு நடத்​தப்​பட்​டுள்​ளது. அண்​ணா, கருணாநிதி போன்ற தலை​வர்​களைக் கொச்​சைப்​படுத்தி வீடியோ போடு​கிறார்​கள். அதை அண்ணா பெயரில் கட்சி நடத்​துபவர்​கள் (அதி​முக) வேடிக்​கைப் பார்க்​கிறார்​கள்.

அண்ணா பெயரையே அவர்​கள் அடமானம் வைத்​து​விட்​டார்​கள். தற்​போது கட்​சியை அடமானம் வைத்​தவர்​கள், நாளை தமிழகத்தை அடமானம் வைக்க அனு​ம​திக்​கக் கூடாது. இவ்​வாறு முதல்​வர் பேசி​னார். 

- ஆர்யன்