இங்கிலாந்து பிரிமியர் லீக்: மென்செஸ்டர் சிட்டி வெற்றி

லண்டன்:

இங்கிலாந்து பிரிமியர் லீக் கால்பந்து போட்டியில் மென்செஸ்டர் சிட்டி அணியினர் வெற்றி பெற்றனர்.

கோட்டிசன் பார்க் அரங்கில் நடைபெற்ற ஆட்டத்தில் மென்செஸ்டர் சிட்டி அணியினர் எவர்ட்டன் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய மென்செஸ்டர் சிட்டி அணியினர் 2-0 என்ற கோல் கணக்கில் எவர்ட்டன் அணியை வீழ்த்தி வெற்றி பெற்றனர்.

மென்செஸ்டர் சிட்டி அணியின் வெற்றி கோல்களை நிகோ ஓ ரெய்லி, மேத்தியூ கோவாசிக் ஆகியோர் அடித்தனர்.

மற்றொரு ஆட்டத்தில் அஸ்டன் வில்லா அணியினர் 4-1 என்ற கோல் கணக்கில் நியூகாஸ்டல் அணியை வீழ்த்தி வெற்றி பெற்றனர்.

வெஸ்ட்ஹாம் அணியினர் 1-1 என்ற கோல் கணக்கில் சௌத்ஹாம்டன் அணியுடன் சமநிலை கண்டனர்.

- பார்த்திபன் நாகராஜன்