இங்கிலாந்து பிரிமியர் லீக் கிண்ணத்தை 20ஆவது முறையாக லிவர்பூல் வென்றது

லண்டன்:

இங்கிலாந்து பிரிமியர் லீக் கிண்ணத்தை 20ஆவது முறையாக வென்று லிவர்பூல் அணியினர் சாதித்துள்ளனர்.

அன்பீல்டு அரங்கில் நடைபெற்ற ஆட்டத்தில் லிவர்பூல் அணியினர் டோட்டன்ஹாம் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய லிவர்பூல் அணியினர் 5-1 என்ற கோல் கணக்கில் டோட்டன்ஹாம் அணியை வீழ்த்தி வெற்றி பெற்றனர்.

லிவர்பூல் அணியின் வெற்றி கோல்களை லூயிஸ் டியாஸ், அலெக்சிஸ் மேக் அலிஸ்டர், கோடி காக்போ, முஹம்மது சலா ஆகியோர் அடித்தனர்.

இந்த வெற்றியை தொடர்ந்து லிவர்பூல் அணியினர் 82 புள்ளிகளுடன் பட்டியலில் முதல் இடத்தை பிடித்தனர்.

அதே வேளையில் இந்த சீசனுக்கான இங்கிலாந்து பிரிமியர் லீக் பட்டத்தையும் லிவர்பூல் அணியினர் தட்டிச் சென்றுள்ளனர்.

மற்றொரு ஆட்டத்தில் மென்செஸ்டர் யுனைடெட் அணியினர் 1-1 என்ற கோல் கணக்கில் ஏஎப்சி போர்னமௌத் அணியுடன் சமநிலை கண்டனர்.

மென்செஸ்டர் சிட்டி அணியினர் 2-0 என்ற கோல் கணக்கில் நாட்டிங்ஹாம் போரஸ் அணியை வீழ்த்தி வெற்றி பெற்றனர்.

- பார்த்திபன் நாகராஜன்