இஸ்லாமியக் கல்வி வாரியத் தலைவருடன் மனிதநேய ஜனநாயகக் கட்சியின் தலைவர் மு.தமிமுன் அன்சாரி: நல்லிணக்க சந்திப்பு

பெட்டாலிங் ஜெயா:

மலேசியாவில் பல்வேறு நிகழ்ச்சிகளில் பங்கு கொள்ள வருகை தந்திருக்கும் மனிதநேய ஜனநாயக கட்சியின் தலைவர் மு.தமிமுன் அன்சாரி அவர்கள் பல்வேறு தொடர் நிகழ்வுகளில் பங்கேற்று வருகிறார்.

அவரை இந்திய வம்சாவழியை சேர்ந்த பல்வேறு தலைவர்களும், அறிஞர்களும், ஆளுமைகளும் சந்தித்து வருகின்றனர்.

அந்த வகையில் மலேசிய பொருளாதார வியூக மன்றத் தலைவரும், இஸ்லாமியக் கல்வி வாரியத் தலைவரும், நம்பிக்கை பத்திரிக்கையின் நிறுவனருமான டத்தோ ஸ்ரீ இக்பால் அவர்கள் அவரது அலுவலகத்துக்கு வருகை தர அழைப்பு விடுத்தார்.

அங்கு சென்ற தலைவர் அவர்களுடன் பல்வேறு வரலாறு குறித்தும், கலாச்சார பரிமாற்றங்கள் குறித்தும், தங்கள் நிறுவனத்தின் சார்பில் செய்து வரும் வரலாற்றுப் புத்தாக்க பணிகள் குறித்தும், செய்தி ஊடகப் பணிகள் குறித்தும் அவர் விவரித்தார்.

அதன் பிறகு, உலக இஸ்லாமியத் தமிழ் இலக்கிய மாநாட்டு ஆய்வுக் கோவை, அவரது வாழ்க்கை வரலாறான In search of excellence Autobiography of Datuk Seri Iqbal ஆகிய இரண்டு புத்தகங்களையும் அவருக்கு பரிசளித்தார்.

அப்போது மனிதநேய ஜனநாயக கட்சியின் பொதுச் செயலாளர் M.முஹம்மது நாசர் அவர்களும், பிரபல தீன் ஜீவல்லர்ஸ்  உரிமையாளருமான டத்தோ சிராஜ்தீன் அவர்களும் உடன் இருந்தனர். 

- ஃபிதா

​​​​