தாய்லாந்து மூத்த போலிஸ் அதிகாரி கொலை வழக்கு; மலேசியாவிற்கு தப்பி வந்ததாக நம்பப்படும் சந்தேக நபரை போலிஸ் தேடி வருகிறது: ஐஜிபி

கோலாலம்பூர்:

தாய்லாந்து மூத்த போலிஸ் அதிகாரி கொலை வழக்கில் தொடர்புடையதாக நம்பக்கூடிய ஆடவர் மலேசியாவிற்கு தப்பி வந்ததாக கூறப்படுகிறது.

அந்த ஆடவரை போலிசார் தொடர்ந்து தேடி வருவதாக தேசிய போலிஸ்படைத் தலைவர் டான்ஸ்ரீ ரஸாருடின் ஹுசைன் இதனை கூறினார்.

தாய்லாந்து நாட்டின் எல்லைக்கு சமீபத்தில் தப்பிச் சென்றதாக நம்பப்படும் மூத்த போலிஸ் அதிகாரியின் கொலையில் முக்கிய சந்தேக நபர்களான இருவரை போலிஸ் இன்னும் தேடி வருகிறது.

சம்பந்தப்பட்ட இருவரையும் கண்டுபிடிப்பதற்கான முயற்சிகள் தொடர்பாக இதுவரை எந்த புதிய முன்னேற்றங்களும் இல்லை. இதுவரை, இது மிகவும் எதிர்மறையாகவே உள்ளது என்றார் அவர்.

முன்னதாக, ஒரு போலிஸ் அதிகாரி கொலையில் இரண்டு சந்தேக நபர்கள் நாட்டை விட்டு தப்பிச் சென்றிருக்கலாம் என்ற சாத்தியக்கூறுகளைத் தொடர்ந்து, 

போலிஸ் மிகுந்த எச்சரிக்கையுடன் இருப்பதாக ஊடகங்கள் செய்தி வெளியிட்டன.

- பார்த்திபன் நாகராஜன்