ஷிப்ட் நேரப் பணியாளர்களுக்கு நியாயமான ஊதியம் வழங்கப்பட வேண்டும்: ஜூல்கிப்ளி

புத்ராஜெயா:

ஷிப்ட் நேரப் பணியாளர்களுக்கு நியாயமான ஊதியம் வழங்கப்பட வேண்டும் என்று சுகாதார அமைச்சர் ஜூல்கிப்ளி அஹ்மத்  வலியுறுத்தினார்.

சுகாதாரப் பணியாளர்களுக்கான முன்மொழியப்பட்ட மாற்றப்பட்ட வேலை நேரம் திட்டத்தின் கீழ்

ஷிப்ட் முறையில் வேலை செய்பவர்களில் நலன் காக்கப்படுவதை அமைச்சு  உறுதி கொண்டுள்ளது.

கடினமாக உழைக்கும் சுகாதாரப் பணியாளர்களுக்கு உரிய மரியாதை செலுத்தப்பட வேண்டும்.

மேலும் இரவுப் பணிகளில் ஈடுபடுபவர்களுக்கு நியாயமான ஊதியம் வழங்கப்படுவதை உறுதி செய்யப்பட வேண்டும்.

இரவுப் பணிகளில் ஈடுபடுவதால் ஏற்படும் அறைகூவல்களை வேறு பல துறைகள் அனுபவிப்பதில்லை.

மருத்துவர்கள் பணியில் இருக்கும்போது பலர் படுக்கையில் வசதியாக இருப்பார்கள்.

இது தனிப்பட்ட வெற்றி அல்லது தோல்வி பற்றியது அல்ல.

இது சுகாதாரப் பணியாளர்களுக்கும் நாட்டிற்கும் சிறந்த பாதையைக் கண்டுபிடிப்பது பற்றியதாகும் என்று அவர் கூறினார்.

- பார்த்திபன் நாகராஜன்