சரவா மாநிலத்தில் மோசமான வெள்ளம்; 4,826 பாதிப்பு: சரவா மாநில பேரிடர் மேலாண்மைக் குழு அறிவிப்பு

கூச்சிங்:

சரவாக்கில் வெள்ளத்தால் பாதிக்கப்பட்டவர்களின் எண்ணிக்கை இன்று பிற்பகல் 4,826 ஆக அதிகரித்துள்ளது.

இவர்கள் அனைவரும் 1,366 குடும்பங்களைச் சேர்ந்தவர்களாவர் என்று  சரவா மாநில பேரிடர் மேலாண்மைக் குழு செய்தித் தொடர்பாளர் கூறினார்.

பாதிக்கப்பட்டவர்கள் தற்போது 41 தற்காலிக வெள்ள நிவாரண  மையங்களில் தங்க வைக்கப்பட்டுள்ளனர்.

41 வெள்ள நிவாரண மையங்களில் செரியானில் ஆக அதிகமாக 15 மையங்கள் திறக்கப்பட்டுள்ளது.

பிந்துலுவில் 7, கூச்சிங்கில் 5, சமரானில் 5, மீரியில் 5, சிபுவில் 5 மையங்களும் திறக்கப்பட்டுள்ளது.

மலேசிய வானிலை ஆய்வு மையத்தின் அறிக்கையின் அடிப்படையில், இன்று மாநிலம் முழுவதும் கனமழை தொடரும் என்று எதிர்பார்க்கப்படுகிறது என்று அவர் கூறினார்.

இதனிடையே சபா மாநிலத்தில் ஏற்பட்டுள்ள வெள்ளத்தில் 2714 பேர் பாதிக்கப்பட்டுள்ளனர் என்பது குறிப்பிடத்தக்கது.

- பார்த்திபன் நாகராஜன்