பத்திரிகை தர்மத்தோடு பத்திரிகையாளர்களின் பணி சிறப்பாக தொடர வேண்டும்: டத்தோஸ்ரீ சரவணன்

கோலாலம்பூர்:

பத்திரிகை தர்மத்தோடு பத்திரிகையாளர்களின் பணி சிறப்பாக தொடர வேண்டும்.

மஇகா துணைத் தலைவரும் தாப்பா நாடாளுமன்ற உறுப்பினருமான டத்தோஸ்ரீ எம். சரவணன் இதனை கூறினார்.

மலேசியத் தமிழ்ப் பத்திரிகையாளர் சங்கத்தின் குடும்ப தின விழாவிற்குத் தலைமையேற்றுச் சிறப்புரையாற்றியதில் மிகுந்த மகிழ்ச்சி அடைகிறேன். 

பத்திரிகையாளர்கள் உண்மையில் கொண்டாடப்பட வேண்டியவர்கள். 

பலரின் உயர்வுக்கும், ஏற்றத்திற்கும் காரணமாக இருப்பவர்கள் நீங்கள்.

எனவே, அவ்வப்போது இது போன்ற நிகழ்ச்சிகள் நடைபெறுவது இன்றைய வாழ்க்கைச் சூழலில் ஏற்படும் மன அழுத்தத்தைத் தடுக்க உதவும். 

தர்மம் எனும் வார்த்தை யுத்தத்திற்கும், பத்திரிகைத் துறைக்கும்தான் பயன்படுத்தப்படுகிறது.

காரணம் இரண்டுமே ஒருவரை வாழ வைக்கும், அழிக்கவும் செய்யும். 

எனவே பத்திரிகை தர்மத்தோடு சிறப்பாக உங்கள் பணியைச் செய்ய மனமார்ந்த வாழ்த்துகள் என்று டத்தோஸ்ரீ சரவணன் கூறினார்.

முன்னதாக மன்னன் தலைமையில் செயல்பட்டு வரும் மலேசியத் தமிழ்ப் பத்திரிகையாளர் சங்கத்தின் குடும்பதின விழா இன்று தலைநகரில் சிறப்பாக நடைபெற்றது.

இந்நிகழ்வில் மூத்த பத்திரிகையாளர்கள், தற்போதைய பத்திரிகை, ஊடக ஆசிரியர்கள் சிறப்பிக்கப்பட்டனர் என்பது குறிப்பிடத்தக்கது.

- பார்த்திபன் நாகராஜன்