துன் மகாதீரின் வயதை மதிக்கிறோம்; கருத்தை அல்ல: ஜாஹித்

கோலாலம்பூர்:

வயது காரணமாக முன்னாள் பிரதமர் துன் டாக்டர் மகாதீரை நான் மதிக்கிறேன்.

ஆனால் அது அவரது கருத்துகளை அல்ல என்று துணைப் பிரதமர் டத்தோஸ்ரீ டாக்டர் அஹ்மத் ஜாஹித் ஹமிடி கூறினார்.

ஒற்றுமை அரசாங்கத்தில் அம்னோ தலைவர்கள் வெறும் ஈக்கள் மட்டுமே என்று துன் மகாதீர் வர்ணித்தார்.

இதனை தொடர்ந்து அம்னோ தலைவரான ஜாஹித் இவ்வாறு கூறினார்.

நாங்கள் அவருடைய வயதை மதிக்க வேண்டும் என்று நான் நினைக்கிறோம்.

ஆனால் நான் அவருடைய கருத்தை ஒருபோதும் மதிக்கவில்லை.

ஆகையால் அவரின் கருத்துகளை பெரிதாக்க வேண்டாம் என்று மசீசவின் சீனப் புத்தாண்டு கொண்டாட்டத்தில் கலந்து கொண்ட அவர் கூறினார்.

- பார்த்திபன் நாகராஜன்