மல்யுத்த வீரர் பஜ்ரங் புனியாவுக்கு 4 ஆண்டு விளையாடத் தடை

புதுடெல்லி:

தேசிய அணி தேர்வு சோதனையில் ஊக்கமருந்து சோதனை மாதிரியைச் சமர்ப்பிக்க மறுத்ததற்காக பஜ்ரங் புனியாவுக்கு தேசிய ஊக்கமருந்து தடுப்பு முகமை 4 ஆண்டுகள் தடை விதித்துள்ளது.

இதே குற்றத்திற்காக தேசிய ஊக்கமருந்து தடுப்பு முகமை முன்னதாக அவரை ஏப்ரல் 23-ஆம் தேதி இடை நீக்கம் செய்து இருந்தது.

இந்த இடைநீக்கத்தால் அவர் மல்யுத்தப் போட்டிகளில் பங்கேற்கவோ அல்லது வெளிநாட்டு பயிற்சிகளைப் பெறவோ அனுமதிக்கப்படமாட்டார் என்று தெரிவிக்கப்பட்டுள்ளது.

இந்தியாவின் முன்னணி மல்யுத்த வீரர் பஜ்ரங் புனியா. 

30 வயதான இவர் 2020 -ஆம் ஆண்டு டோக்கியோ ஒலிம்பிக்கில் வெண்கலப் பதக்கம் வென்று சாதித்தார்.

- அஸ்வினி செந்தாமரை