பெர்லி தான் - எம். தீனா விவகாரத்தை அவர்களே சுமூகமாக முடித்துக்கொள்வார்கள்- இளைஞர் விளையாட்டு துறை அமைச்சர் ஹன்னா இயோ கருத்து 

கோலாலம்பூர்: 

நாட்டின் தேசிய இரட்டையர் மகளிர் ஜோடியினரான பெர்லிதான் - எம்.தீனா இருவருக்கும் இடையில் கருத்து வேறுபாடு நிலவி வருவதாக செய்திகள் உலா வந்துக்கொண்டிருக்கின்றன.

இந்நிலையில், அவர்களுக்கு இடையிலான சிக்கல்களை அவர்களே சுமுகமான முறையில் தீர்த்துக்கொள்வார்கள் என்று இளைஞர் விளையாட்டு துறை அமைச்சர் ஹன்னா இயோ நம்பிக்கை தெரிவித்தார். 

பூப்பந்து விளையாட்டில் நன்கு அனுபவம் கொண்டவர்கள் என்ற அடிப்படையில்  அவர்கள் இணைந்து இந்த கருத்துவேறுபாட்டிற்கு முற்றுப்புள்ளி வைப்பார்கள் என்று ஹன்னா இயோ கூறினார். 

தற்போதுவரை அவர்களுக்கு எதிராக புகார்கள் எதுவும் இல்லை. மேலும், அவர்களுக்கு இடையில் எந்தவொரு சிக்கல்களும் இருப்பது போல் இல்லை என்று தெரிவதாக அமைச்சர் குறிப்பிட்டார். 

முன்னதாக, இரு விளையாட்டாளர்களும் ஒருவருக்கொருவர் பேசிக்கொள்வதில்லை என்றும் கருத்துவேறுபாடு காரணமாக இருவரும் இந்த நிலையில் இருப்பதாகவும் ஊடகங்களில் செய்திகள் வெளியாகின.

-மவித்திரன்