சவூதி புரோ லீக் கிண்ணம்: அல் ஹிலால் அணி தோல்வி

ரியாத்:

சவூதி புரோ லீக் கிண்ண கால்பந்து போட்டியில் அல் ஹிலால் அணியினர்  தோல்வி கண்டனர்.

பிரின்ஸ் முஹம்மத் அரங்கில் நடைபெற்ற ஆட்டத்தில் அல் ஹிலால் அணியினர் அல் கட்ஷியா அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் அல் ஹிலால் அணியினர் 1-2 என்ற கோல் கணக்கில் அல் கட்ஷியா அணியிடம் தோல்வி கண்டனர்.

அல் கட்ஷியா அணியின் இரு கோல்களை அதன் முன்னணி ஆட்டக்காரர் பியாரே எம்ரிக் அடித்தார்.

இவ்வாட்டத்தில் தோல்வி கண்டாலும் அல் ஹிலால் அணியினர் 43 புள்ளிகளுடன் பட்டியலில் முதல் இடத்தில் உள்ளனர்.

- பார்த்திபன் நாகராஜன்