உலக மகா பொய்யர் மோடி: காங்கிரஸ்

புது டெல்லி:

காங்கிரஸ் எம்.பி. ராகுல் காந்தியை முட்டாள்களின் தலைவர் என்று விமர்சித்த பிரதமர் மோடியை உலக மகா பொய்யர் என்று காங்கிரஸ் குறிப்பிட்டுள்ளது.

மத்திய பிரதேசத்தில் நடைபெற்ற தேர்தல் பிரச்சாரத்தில் பேசிய பிரதமர் மோடி, ராகுல் காந்தி, காங்கிரஸ் கட்சியை கடுமையாக விமர்சித்தார்.

இந்நிலையில், ராஜஸ்தானில் செய்தியாளர்களிடம் பேசிய காங்கிரஸ் பொதுச் செயலாளர் ஜெய்ராம் ரமேஷ், பாரதிய ஜனதா கட்சியானது, பாரதிய "பொய்' கட்சியாகும். அதன் முக்கிய முகமான பிரதமர் மோடி, பொய்களின் உலகத் தலைவர்.

அமலாக்கத்துறை,சிபிஐ, மக்களை பிளவுபடுத்துதல், பொய் ஆகிய மூன்றும்தான் பாஜகவின் ஆயுதங்கள் முந்தைய காங்கிரஸ் ஆட்சியில் தொடங்கப்பட்ட பல்வேறு திட்டங்களின் பெயரை பிரதமர் மோடி மாற்றியுள்ளார் என்றார்.

- ஆர்யன்