லா லீகா கால்பந்து போட்டி: ரியல்மாட்ரிட் வெற்றி

மாட்ரிட்:

லா லீகா கால்பந்து போட்டியில் ரியல்மாட்ரிட் அணியினர் வெற்றி பெற்றனர்.

சந்தியாகோ பார்னபவ் அரங்கில் நடைபெற்ற ஆட்டத்தில் ரியல்மாட்ரிட் அணியினர் பார்சிலோனா அணியை சந்தித்து விளையாடினர்.

இரு முன்னனி அணிகள் மோதியதால் மிகுந்த எதிர்பார்ப்புகளுக்கு மத்தியில் ஆட்டம் தொடங்கியது.

இதில் ரியல்மாட்ரிட் அணியினர் 2-1 என்ற கோல் கணக்கில் பார்சிலோனா அணியை வீழ்த்தி வெற்றி பெற்றனர்.

ரியல்மாட்ரிட் அணியின் வெற்றி கோல்களை கிளையன் எம்பாப்பே, ஜூட் பெலிங்காம் ஆகியோர் அடித்தனர்.

மற்றொரு ஆட்டத்தில் மலோர்கா அணியினர் 1-1 என்ற கோல் கணக்கில் லெவான்தே அணியுடன் சமநிலை கண்டனர்.

மற்ற ஆட்டங்களில் கெல்தா விகோ, ராயோ வலாகனோ ஆகிய அணிகள் வெற்றி பெற்றன.

- பார்த்திபன் நாகராஜன்