இங்கிலாந்து பிரிமியர் லீக்: அர்செனல் அபாரம்

லண்டன்:

இங்கிலாந்து பிரிமியர் லீக் கால்பந்து போட்டியில் அர்செனல் அணியினர் அபார வெற்றியை பதிவு செய்தனர்.

எமிரேட்ஸ் அரங்கில் நடைபெற்ற ஆட்டத்தில் அர்செனல் அணியினர் லீட்ஸ் யுனைடெட் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அர்செனல் அணியினர் 5-0 என்ற கோல் கணக்கில் லீட்ஸ் யுனைடெட் அணியை வீழ்த்தி வெற்றி பெற்றனர்.

அர்செனல் அணியின் வெற்றி கோல்களை ஜூரியன் டிம்பர், புகாயோ சகா, விக்டர் கியோகெரெஸ் ஆகியோர் அடித்தனர்.

மற்றொரு ஆட்டத்தில் மென்செஸ்டர் சிட்டி அணியினர் 0-2 என்ற கோல் கணக்கில் டோட்டன்ஹாம் அணியிடம் தோல்வி கண்டனர்.

மற்ற ஆட்டங்களில் ஏஎப்சி போர்னமௌத், அஸ்டன் வில்லா, பெர்ன்லி ஆகிய அணிகள் வெற்றி பெற்றன.

- பார்த்திபன் நாகராஜன்