கோபா டெல் ரெய் கிண்ண இறுதியாட்டத்தில் பார்சிலோனா

மாட்ரிட்:

கோபா டெல் ரெய் கிண்ண கால்பந்து போட்டியின் இறுதியாட்டத்திற்கு பார்சிலோனா அணியினர் முன்னேறி உள்ளனர்.

மெட்ரோபோலிடன் அரங்கில் நடைபெற்ற இரண்டாவது அரையிறுதி ஆட்டத்தில் பார்சிலோனா அணியினர் அட்லாட்டிகோ மாட்ரிட் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய பார்சிலோனா அணியினர் 1-0 என்ற கோல் கணக்கில் அட்லாட்டிகோ மாட்ரிட் அணியை வீழ்த்தி வெற்றி பெற்றனர்.

பார்சிலோனா அணியின் வெற்றி கோலை பெரான் தோரஸ் அடித்தார்.

இரு ஆட்டங்களின் முடிவில் 5-4 என்ற கோல் கணக்கில் வெற்றி பெற்ற பார்சிலோனா அணியினர் இறுதி ஆட்டத்திற்கு முன்னேறினர்.

கோபா டெல் ரெய் கிண்ண இறுதி ஆட்டத்தில் பார்சிலோனா அணியினர் ரியல்மாட்ரிட் அணியை சந்தித்து விளையாடவுள்ளனர்.

- பார்த்திபன் நாகராஜன்