ஐரோப்பா லீக் கிண்ணம்: மென்செஸ்டர் யுனைடெட் வெற்றி

லண்டன்:

ஐரோப்பா லீக் கிண்ண கால்பந்து போட்டியில் மென்செஸ்டர் யுனைடெட் அணியினர் வெற்றி பெற்றனர்.

தேசிய அரங்கில் நடைபெற்ற ஆட்டத்தில் மென்செஸ்டர் யுனைடெட் அணியினர் எப்சிஎஸ்பி அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய மென்செஸ்டர் யுனைடெட் அணியினர் 2-0 என்ற கோல் கணக்கில் எப்சிஎஸ்பி அணியை வீழ்த்தி வெற்றி பெற்றனர்.

மென்செஸ்டர் யுனைடெட் அணியின் வெற்றி கோல்களை டியாகோ டாலோட், கோபி மைனோ ஆகியோர் அடித்தனர்.

மற்றொரு ஆட்டத்தில் டோட்டன்ஹாம் அணியினர் 3-0 என்ற கோல் கணக்கில் எல்ப்ஸ்பர்க் அணியை வீழ்த்தி வெற்றி பெற்றனர்.

மற்ற ஆட்டங்களில் ஏஎஸ் ரோமா, அட்லாட்டிகோ பில்பாவ், பிராகா, லியோன், போர்தோ ஆகிய அணிகள் வெற்றி பெற்றன.

- பார்த்திபன் நாகராஜன்