இங்கிலாந்து கரபாவ் கிண்ணம்: லிவர்பூல் தோல்வி

லண்டன்:

இங்கிலாந்து கரபாவ் கிண்ண கால்பந்து போட்டியில் லிவர்பூல் அணியினர் தோல்வி கண்டனர்.

லண்டனில் நடைபெற்ற முதல் அரையிறுதி ஆட்டத்தில் லிவர்பூல் அணியினர் டோட்டன்ஹாம் அணியை சந்தித்து விளையாடினர்.

இரு முன்னணி அணிகள் மோதியதால் மிகுந்த எதிர்பார்ப்புகளுக்கு மத்தியில் ஆட்டம் நடைபெற்றது.

இதில் லிவர்பூல் அணியினர் 0-1 என்ற கோல் கணக்கில் டோட்டன்ஹாம் அணியிடம் தோல்வி கண்டனர்.

டோட்டன்ஹாம் அணியின் வெற்றி கோலை ஆட்டத்தின் 86ஆவது நிமிடத்தில் லுகாஸ் பெர்க்வல் அடித்தார்.

இரண்டாவது ஆட்டத்தில் சொந்த அரங்கில் களமிறங்கும் லிவர்பூல் அணியினர் எளிதாக வெற்றி பெற்று அடுத்த சுற்றுக்கு முன்னேறுவார்கள் என பரவலாக எதிர்பார்க்கப்படுகிறது.

- பார்த்திபன் நாகராஜன்