ஆஸ்திரேலிய டென்னிஸ் போட்டி: ஜோகோவிச், ரூப்லெவ் காலிறுதிக்கு முன்னேற்றம்

மெல்பர்ன்:

ஆஸ்திரேலிய பொது டென்னிஸ் தொடரில் ஜோகோவிச், ரூப்லெவ் காலிறுதிக்கு முன்னேறினர். 

கிராண்ட்ஸ்லாம் என்ற உயரிய அந்தஸ்து பெற்ற ஆஸ்திரேலிய  டென்னிஸ் போட்டி மெல்பர்னில் நடந்து வருகிறது.

வருகிற 29-ஆம் தேதி வரை பல சுற்றுகள் கொண்ட போட்டிகள் நடைபெற உள்ளன. 

இதில்  ஆண்கள் ஒற்றையர் பிரிவில் நடைபெற்ற 4ஆவது சுற்று போட்டி ஒன்றில் செர்பிய வீரரான நோவக் ஜோகோவிச், ஆஸ்திரேலிய வீரர் அலெக்ஸ் டி மினாருடன் மோதினார்.

இந்தப் போட்டியில் ஜோகோவிச் 6-2, 6-1, 6-2 என்ற செட் கணக்கில் அலெக்சை வீழ்த்தி காலிறுதி சுற்றுக்கு முன்னேறினார்.

மற்றொரு 4-ஆவது சுற்று போட்டி ஒன்றில் ரஷியாவின் ஆண்ட்ரே ரூப்லெவ், டென்மார்க்கின் ஹோல்ஜர் ரூனேவுடன் மோதினார். 

இந்தப் போட்டியில் ரூப்லெவ் 6-3, 3-6, 6-3, 4-6, 7-6 (11-9) என்ற செட் கணக்கில் ரூனேவை வீழ்த்தி காலிறுதிக்கு தகுதி பெற்றார்.

- செய்திப்பிரிவு