உலகக் கிண்ண தகுதி சுற்று ஆட்டம்: பிரான்ஸ் வெற்றி

பாரிஸ்:

உலகக் கிண்ண கால்பந்து போட்டியில் தகுதி சுற்று ஆட்டத்தில் பிரான்ஸ் அணியினர் வெற்றி பெற்றனர்.

பார்க் டி பிரின்ஸ் அரங்கில் நடைபெற்ற ஆட்டத்தில் பிரான்ஸ் அணியினர் அஜர்பைஜான் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய பிரான்ஸ் அணியினர் 3-0 என்ற கோல் கணக்கில் அஜர்பைஜான் அணியை வீழ்த்தி வெற்றி பெற்றனர்.

பிரான்ஸ் அணியின் வெற்றி கோல்களை கிளையன் எம்பாப்பே, ஆன்ரியன் ராபிட், புளோரின் தாவின் ஆகியோர் அடித்தனர்.

மற்றொரு ஆட்டத்தில் பெல்ஜியம் அணியினர் கோல் எதுவும் அடிக்காமல் வட மகாடோனியா அணியுடன் சமநிலை கண்டனர்.

ஜெர்மனி அணியினர் 4-0 என்ற கோல் கணக்கில் லக்ஸம்பர்க் அணியை வீழ்த்தி வெற்றி பெற்றனர்.

- பார்த்திபன் நாகராஜன்