செய்திகள் விளையாட்டு
IPL 2024: தொடர் தோல்வியை சந்திக்கும் மும்பை இந்தியன்ஸ்
லக்னோ:
நடப்பு ஐபிஎல் சீசனின் 48-வது லீக் போட்டியில் லக்னோ சூப்பர் ஜெயண்ட்ஸ் மற்றும் மும்பை இந்தியன்ஸ் அணிகள் விளையாடின. இந்தப் போட்டியில் 4 விக்கெட்டுகளில் வெற்றி பெற்றது லக்னோ.
டாஸ் வென்ற லக்னோ அணி பவுலிங் தேர்வு செய்தது.
முதலில் பேட் செய்த மும்பை இந்தியன்ஸ் அணி 20 ஓவர்களில் 7 விக்கெட்டுகள் இழப்புக்கு 144 ரன்கள் எடுத்தது.
அந்த அணியின் பேட்ஸ்மேன்களில் ரோகித் சர்மா, சூர்யகுமார் யாதவ், திலக் வர்மா, ஹர்திக் பாண்டியா ஆகியோர் சொற்ப ரன்களில் ஆட்டமிழந்தனர்.
இஷான் கிஷன் மற்றும் நேஹல் வதேரா ஆகியோர் 5-வது விக்கெட்டுக்கு 53 ரன்கள் பார்ட்னர்ஷிப் அமைத்தனர். இஷான் கிஷன் 32 ரன்களில் ஆட்டமிழந்தார். நேஹல் வதேரா 46 ரன்கள் எடுத்து வெளியேறினார். டிம் டேவிட் 18 பந்துகளில் 35 ரன்கள் எடுத்தார்.
145 ரன்கள் எடுத்தால் வெற்றி என்ற இலக்கை லக்னோ விரட்டியது. அந்த அணியின் கேப்டன் கே.எல்.ராகுல் மற்றும் அர்ஷின் குல்கர்னி ஆகியோர் இன்னிங்ஸை ஓப்பன் செய்தனர். துஷாரா வீசிய முதல் ஓவரில் குல்கர்னி ரன் ஏதும் எடுக்காமல் அவுட் ஆனார்.
தொடர்ந்து களத்துக்கு வந்த ஸ்டாய்னிஸ் உடன் 58 ரன்கள் பார்ட்னர்ஷிப் அமைத்தார் ராகுல். அவர் 28 ரன்களில் ஆட்டமிழந்தார். தீபக் ஹூடா 18 ரன்களில் ஆட்டமிழந்தார்.
ஸ்டாய்னிஸ் 45 பந்துகளில் 62 ரன்கள் எடுத்து வெளியேறினார்.
லக்னோ அணியின் வெற்றிக்கு கடைசி 5 ஓவர்களில் 29 ரன்கள் தேவைப்பட்டது. 16 மற்றும் 17-வது ஓவரில் முறையே 6 மற்றும் 1 ரன் எடுக்கப்பட்டது.
18-வது ஓவரில் முதல் பந்தில் டர்னரை போல்ட் செய்தார் கோட்ஸி. இருந்தும் அந்த ஓவரில் 9 ரன்கள் கொடுத்தார். கடைசி 12 பந்துகளில் 13 ரன்கள் லக்னோவின் வெற்றிக்கு தேவைப்பட்டது.
19-வது ஓவரின் முதல் பந்தில் ஆயுஷ் பதோனி ரன் அவுட் ஆனார். மூன்றாவது நடுவரின் டிவி ரீப்ளேயில் கிரிஸை கடந்தபோது பேட் தரையில் படாதது போல இருந்தது. அதனால் அவுட் கொடுக்கப்பட்டது. மூன்றாவது நடுவரின் தவறான தீர்ப்பு என்று பட்டவர்த்தனமாகத் தெரிந்தது. தொலைக்காட்சி வர்ணனையாளர்கள்கூட அதனைத் தெரிவித்தனர். அது லக்னோ அணிக்கு சங்கடம் தரும் வகையில் அமைந்தது. அந்த ஓவரில் 10 ரன்கள் எடுத்தது லக்னோ.
கடைசி ஓவரில் 3 ரன்கள் லக்னோவின் வெற்றிக்கு தேவைப்பட்டது. அந்த ஓவரை நபி வீசினார். முதல் 2 பந்துகளில் 3 ரன்கள் எடுத்து வெற்றி பெற்றது லக்னோ.
19.2 பந்துகளில் 6 விக்கெட்டுகள் இழப்புக்கு 145 ரன்கள் எடுத்தது லக்னோ. மும்பை அணிக்கு ஹாட்ரிக் தோல்வியாக இது அமைந்தது.
இந்த வெற்றியின் மூலம் புள்ளிகள் பட்டியலில் 3-வது இடத்துக்கு லக்னோ முன்னேறியுள்ளது. 10 போட்டிகளில் விளையாடி 6 வெற்றிகளின் மூலம் 12 புள்ளிகளுடன் அந்த அணி உள்ளது. முதல் இடத்தில் ராஜஸ்தான் ராயல்ஸ், இரண்டாவது இடத்தில் கொல்கத்தா நைட் ரைடர்ஸ், நான்காவது இடத்தில் சென்னை சூப்பர் கிங்ஸ் அணியும் உள்ளது.
- ஆர்யன்
தொடர்புடைய செய்திகள்
May 22, 2024, 7:59 am
ஹைதரபாத்தை வீழ்த்தி கல்கத்தா நைட் ரைடர்ஸ் இறுதிப் போட்டியில் நுழைந்தது
May 21, 2024, 11:55 am
ஸ்குவாஷ் உலக தரவரிசையில் 10ஆம் நிலையில் எஸ்.சிவசங்கரி
May 21, 2024, 9:55 am
அர்செனல் கிண்ணத்தை வெல்லாது என்று முன்கூட்டியே கணித்த ரொனால்டோ
May 21, 2024, 9:51 am
இத்தாலி சிரி அ கிண்ணம்: ஜூவாந்தஸ் சமநிலை
May 20, 2024, 11:21 am
இத்தாலி பொது பூப்பந்து போட்டி: பட்டத்தை வென்றார் இகா ஸ்வியாடெக்
May 20, 2024, 10:47 am
ஃபார்முலா இ கார்பந்தயப் போட்டியை மலேசியா ஏற்று நடத்தவில்லை
May 20, 2024, 10:08 am
லா லீகா கால்பந்துப் போட்டி: ரியல்மாட்ரிட் சமநிலை
May 20, 2024, 8:13 am
இங்கிலாந்து பிரிமியர் லீக் கிண்ணம்: மென்செஸ்டர் சிட்டி சாம்பியன்
May 19, 2024, 7:29 pm