சபா சட்டமன்ற தேர்தலில் 21.05% வாக்காளர்கள் தங்கள் கடமையை நிறைவேற்றியுள்ளனர்

கோத்தா கினபாலு:

சபா சட்டமன்ற தேர்தலில் 21.05% வாக்காளர்கள் தங்கள் கடமையை  நிறைவேற்றியுள்ளனர்.

சபா மாநில சட்டமன்ற தேர்தலுக்கான வாக்களிப்பு விறுவிறுப்பாக நடைபெற்று வருகிறது.

இதில் இன்று காலை 10 மணி நிலவரப்படி மொத்தம் 366,917 அல்லது 21.05 சதவீத வாக்காளர்கள் தங்கள் வாக்களிப்பு பணிகளை முடித்திருந்தனர்.

வாக்குச் சாவடிகள் காலை 7.30 மணிக்கே திறக்கப்பட்டன.

காலையில் நல்ல வானிலை நிலவியதால், 73 சபா மாநில சட்டமன்ற இடங்களுக்கு பிரதிநிதிகளைத் தேர்ந்தெடுக்கும் பொறுப்பை நிறைவேற்ற வாக்காளர்கள் சீக்கிரமாக வெளியே செல்ல வாய்ப்பு கிடைத்தது.

17ஆவது சபா மாநிலத் தேர்தலில் அதிகாரப்பூர்வ முடிவுகள் இன்று இரவு 10 மணிக்கு அறிவிக்கப்படும் என்று தேர்தல் ஆணையம் எதிர்பார்க்கிறது.

- பார்த்திபன் நாகராஜன்