பைசால் ஹலிம் மீது ஆசிட் வீசியவர்களுக்கு எதிராக விசாரணைகள் தொடர்கிறது: ஐஜிபி

கோலாலம்பூர்:

கால்பந்து வீரர் பைசால் ஹலிம் மீது ஆசிட் வீசியவர்களுக்கு எதிராக விசாரணைகள் தொடர்கிறது.

தேசிய போலிஸ்படைத் தலைவர் டான்ஶ்ரீ ரஸாருடின் ஹுசைன் இதனை கூறினார்.

கடந்த மே மாதம் கோத்தா டாமன்சாராவில் உள்ள ஒரு பேரங்காடியில் சிலாங்கூர் கால்பந்து வீரர் பைசல் ஹலிம் மீது ஆசீட் வீசப்பட்டது.

இந்த வழக்கு விசாரணை இன்னும் விசாரணையில் உள்ளது. அது நிறுத்தப்படவில்லை.

கடந்த மே மாதம் விசாரணை தொடங்கப்பட்டதிலிருந்து 23 நபர்களின் வாக்குமூலங்கள் பதிவு செய்யப்பட்டது.

இந்த விசாரணைக்கு உதவ மூன்று சந்தேக நபர்களை போலிஸ் கைது செய்தது.

கைதானவர்களிடம் புக்கிட் அமான் குற்றப் புலனாய்வுத் துறை  விரிவான விசாரணையை மேற்கொண்டது.

ஆனால் மூன்று சந்தேக நபர்களையும் வழக்கில் தொடர்புபடுத்த எந்த ஆதாரமும் இல்லை என்று அவர் கூறினார்.

- பார்த்திபன் நாகராஜன்