திரங்கானுவில் வெள்ளத்தால் பாதிக்கப்பட்டவர்களின் எண்ணிக்கை 398-ஆக உயர்வு 

கோல திரெங்கானு:

திரங்கானுவில் ஆறு மாவட்டங்களில் வெள்ளத்தால் பாதிக்கப்பட்டவர்களின் எண்ணிக்கை 398 ஆக உயர்ந்தது.

இது நேற்று இரவு வெள்ளத்தால் பாதிக்கப்பட்டவர்களின் எண்ணிக்கை  221 ஆக இருந்த நிலையில் தற்போது 398 ஆக உயர்ந்துள்ளது. 

பாதிக்கப்பட்ட பொதுமக்கள் 17 தற்காலிக வெள்ள நிவாரண மையங்களில் தங்க வைக்கப்பட்டுள்ளனர். 

அதனைத் தொடர்ந்து, மலாக்காவில் நேற்று மாலை 5 மணி முதல் பெய்த கனமழையைத் தொடர்ந்து, 71 குடும்பங்களைச் சேர்ந்த 264 பாதிக்கப்பட்டவர்கள் வெள்ளத்தால் தங்கள் வீடுகள் பாதிக்கப் பட்டதைத் தொடர்ந்து 3 தற்காலிக வெள்ள நிவாரண மையங்களில் தங்க வைக்கப்பட்டுள்ளனர். 

பேராக்கில், 23 குடும்பங்களைச் சேர்ந்த வெள்ளத்தில் இருந்து வெளியேற்றப்பட்டவர்கள் எண்ணிக்கை 68 ஆக உள்ளது.

அவர்கள் லாருட், மாத்தாங் மற்றும் லாருட் மாவட்டத்தில் உள்ள சிம்பாங் ஹால்ட் சமூக மண்டபத்தில் தங்க வைக்கப்பட்டுள்ளனர்.

- அஸ்வினி செந்தாமரை