துன் டாய்ம் சொத்து விவகாரம் தொடர்பான விசாரணை தொடர்கிறது: எம்ஏசிசி

புத்ராஜெயா:

மறைந்த முன்னாள் நிதியமைச்சர் துன் டாய்ம் ஜைனுடின் சொத்து விவகாரம் தொடர்பான விசாரணை தொடர்கிறது.

மலேசிய ஊழல் தடுப்பு ஆணையம் எம்ஏசிசி ஓர் அறிக்கையின் வாயிலாக இதனை தெரிவித்தது.

இந்த விவகாரம் தொடர்பான விசாரணைகள் இன்னமும் நிறைவு பெறவில்லை.

அதே வேளையில் துன் டாய்ம், அவரது குடும்பத்தினர் சம்பந்தப்பட்ட நிதிச் சொத்துக்களையும் எம்ஏசிசி கண்காணித்து வருகிறது.

குற்றவியல் நடைமுறைச் சட்டத்தின்   பிரிவு 254-ன்படி சொத்து அறிவிப்பு நோட்டீஸைப் பின்பற்றத் தவறிய குற்றச்சாட்டில் இருந்து இறந்தவரை கோலாலம்பூர் அமர்வு நீதிமன்றம் துன் டாய்மை விடுவித்தாலும் இந்த விசாரணை தொடர்கிறது.

எம்ஏசிசி சட்டம் 2009 இன் பிரிவு 23 மற்றும் பணமோசடி தடுப்பு பிரிவு 4 (1) இன் படி, இந்த வழக்கு தொடர்பான விசாரணைகள் இன்னும் நடந்து கொண்டிருக்கிறது என அந்த அறிக்கையில் குறிப்பிடப்பட்டுள்ளது.

- பார்த்திபன் நாகராஜன்