நீண்ட காலத்திற்கு பின் மலேசியாவுக்கு திரும்பியதில் மகிழ்ச்சி: ஷாருக்கான்

கோலாலம்பூர்:

நீண்ட காலத்திற்கு பின் மலேசியாவுக்கு திரும்பியதில் பெரும் மகிழ்ச்சியடைகிறேன்.

பாலிவூட் சூப்பர் ஸ்டார் ஷாருக்கான் இதனை கூறினார்.

பின் சயீத் இன்டர்நேஷனலின் திறப்பு விழா நேற்று தலைநகர் டிஆர்எக்ஸ் கட்டிடத்தில் நடைபெற்றது.

துபாயை தளமாகக் கொண்ட நிறுவனத்தின் திறப்பு விழாவில் சிறப்பு விருந்தினராக கலந்து கொண்ட டத்தோ ஷாருக்கான், 

நீண்ட நாட்களுக்குப் பிறகு மீண்டும் மலேசியாவிற்கு திரும்பியதற்கு மகிழ்ச்சி தெரிவித்தார்.

சில ஆண்டுகளுக்கு முன்பு நான் இங்கு வந்திருக்கிறேன்.

இன்று நான் நண்பர்களாகக் கருதக்கூடிய இரண்டு நாடுகளான ஐக்கிய அரபு எமிரேட்ஸ், மலேசியா இடையிலான  ஒத்துழைப்பை ஏற்படுத்துவதைப் பார்க்க மீண்டும் இங்கு வந்திருக்கிறேன்.

மேலும் உங்கள் அனைவரையும் இங்கு சந்திப்பதில் மகிழ்ச்சி அடைகிறேன்.

இந்த நாட்டில் பின் சயீத் சர்வதேச குழும நிறுவனங்களின் முதலீட்டை விரிவாக்குவதன் மூலம் ஐக்கிய அரபு எமிரேட்ஸ், மலேசியா இடையேயான உலகளாவிய ஒத்துழைப்பையும் தாம் பாராட்டுவதாக அவர் கூறினார்.

- பார்த்திபன் நாகராஜன்