35,000 அடி உயரத்தில் பறந்து கொண்டிருந்த விமானம் காற்று கொந்தளிப்பினால் பாதிப்பு: பயணிகள் தங்கள் இருக்கையிலிருந்து விழும் காணொலி வைரல்

ஸ்டாக்ஹோல்ம்:

ஸ்வீடன் தலைநகர் ஸ்டாக்ஹோல்ம் விமான நிலையத்திலிருந்து அதிகாலை 12.03 மணிக்கு அமெரிக்காவின் மியாமி நகருக்கு Scandinavian Airlines நிறுவனத்தின் SAS SK957 விமானம் புறப்பட்டது.

வானில் பறந்துகொண்டிருந்த விமானம் ஐஸ்லாந்து மற்றும் கிரீன்லாந்துக்கு இடையில் உள்ள வான் பரப்பின் மீது வந்தபோது மோசமான வானிலை காரணமாகக் கடுமையான காற்று கொந்தளிப்பை எதிர்க்கொண்டது.

சுமார் 35,000 அடி உயரத்தில் பறந்துகொண்டிருந்த விமானத்தில் இந்த டர்புலன்ஸ் காரணமாகப் பயணிகள் தங்கள் இருக்கையிலிருந்து மேல் நோக்கி தூக்கி வீசப்படும் காட்சிகள் வெளியாகி உள்ளன.

பல மணி நேரங்களாக காற்று கொந்தளிப்பு நீடித்ததால் மேற்கொண்டு பயணத்தைத் தொடரமுடியாமல் விமானம் மீண்டும் ஐரோப்பாவுக்கே திரும்பியுள்ளது.

பயணிகளுக்குக் காயம் ஏதும் ஏற்படவில்லை என்று விமான நிறுவனம் தரப்பில் தெரிவிக்கப்பட்டது. ஆனால் ஒருவர் காயமுற்றதாகப் பயணி ஒருவர் தெரிவித்துள்ளார்.

- அஸ்வினி செந்தாமரை