அமெரிக்க தேர்தலில் 6 இந்திய வம்சாவளியினர் வெற்றி

வாஷிங்டன்: 

அமெரிக்க பிரதிநிதிகள் சபைக்கு நடத்தப்பட்டத் தேர்தலில் இந்திய வம்சாவளியினர் 6 பேர் வெற்றிபெற்றனர்.

வர்ஜீனியா மாகாணத்தின் 10ஆவது மாவட்டத்திலிருந்து இந்திய - அமெரிக்க வழக்குரைஞரான சுஹாஸ் சுப்பிரமணியம் தேர்ந்தெடுக்கப்பட்டுள்ளார்.  இவர் பராக் ஒபாமா அதிபராக இருந்தபோது வெள்ளை மாளிகை ஆலோசகராக பணியாற்றியுள்ளார்.

இவரைத் தவிர, தற்போது எம்.பி.க்களாக இருக்கும் அமி பெரா, ராஜா கிருஷ்ணமூர்த்தி, ரோ கண்ணா, பிரமீளா ஜெயபால், ஸ்ரீ தானேதர் ஆகிய 5 இந்திய அமெரிக்கர்களும் பிரதிநிதிகள் சபைக்கு மீண்டும் தேர்வாகியுள்ளனர்.

இதன் மூலம், அமெரிக்க நாடாளுமன்றத்தில் தற்போது 5ஆக இருக்கும் இந்திய வம்சாவளி
எம்.பி.க்களின் எண்ணிக்கை, 6ஆக உயர்ந்துள்ளது.

- ஆர்யன்