சிங்கப்பூர் மரினா ஸ்குவேர் கடைத்தொகுதியில் தீ: 150 பேர் வெளியேற்றப்பட்டனர்

சிங்கப்பூர்:

மரினா ஸ்குவேர் கடைத்தொகுதியின் இரண்டாம் மாடியில் தீ மூண்டது. உடனையாக அங்கிருந்து 150 பேர் பாதுகாப்பாக வெளியேற்றப்பட்டனர்; காயமடைந்த ஒருவர் ராபிள்ஸ் மருத்துவமனைக்குக் கொண்டு செல்லப்பட்டார்.

சம்பவம் தொடர்பிலான காணொலிகள் சமூக வலைத்தளங்களில் பரவலாகப் பகிரப்படுகின்றன.

சம்பவம் குறித்து இன்று மதியம் சுமார் 12.25 மணிக்குத் தகவல் கிடைத்ததாகச் சிங்கப்பூர்க் குடிமைத் தற்காப்புப் படை 8 World செய்தித்தளத்திடம் தெரிவித்தது.

சம்பவ இடத்திற்கு விரைந்த படையினர் தீயை உடனடியாக அணைத்தனர்.

தீ ஏற்பட்டதற்கான காரணம் ஆராயப்படுவதாக 8 World செய்தித்தளம் குறிப்பிட்டது.

ஆதாரம்: 8 World செய்தித்தளம்