ஸ்பெயினில் வெள்ளம்: 205 பேர் மரணம்

வெலன்சியா:

ஸ்பெயினில், கடந்த சில நாட்களாக பெய்து வரும் கனமழையால் ஏற்பட்ட வெள்ளத்தில் சிக்கி, 205 பேர் பலியாகியுள்ளனர். மேலும் பலர் மாயமாகியுள்ளனர்.

கிழக்கு வெலன்சியா மாகாணத்தில் பெய்த கனமழையால், வெள்ளப்பெருக்கு ஏற்பட்டு பல வீடுகள் இடிந்தன. 5,000 வீடுகள் வெள்ளத்தில் மூழ்கின.

வெள்ளம், கனமழையில் சிக்கியவர்களைத் தீயணைப்பு படையினர், ராணுவத்தினர், பேரிடர் மீட்புப்படையினர் என, ஆயிரக்கணக்கானோர் மீட்டு வருகின்றனர்.

வெலன்சியா அருகேயுள்ள ஷிவா நகரில், ஒரு ஆண்டில் பெய்ய வேண்டிய மழை, எட்டு மணி நேரத்தில் பெய்துள்ளதாக வானிலை மையம் அறிவித்துள்ளது.

தெற்கு மற்றும் கிழக்கு பகுதிகளில், கனமழை எச்சரிக்கை விடப்பட்டது. பல இடங்களில் வெள்ளம் வடியாததால், அங்கு சிக்கியுள்ளோரை மீட்க முடியாத நிலை உருவாகி உள்ளது.

- அஸ்வினி செந்தாமரை