மலேசிய முருகனுக்கு நாச்சியார் ஆலயத்தில் தயாராகும் 175 கிலோவிலான வெண்கல வேல்

தஞ்சாவூர்:

மலேசிய முருகனுக்கு நாச்சியார் ஆலயத்தில் 175 கிலோவிலான வெண்கல வேல்  தயாராகி வருகிறது.

தஞ்சாவூர் மாவட்டம் கும்பகோணம் அருகே நாச்சியார் ஆலயத்தை சேர்ந்தவர் விக்னேஷ்.

இவர் சுவாமிநாதன் கலைக்கூடம் என்ற பெயரில் சுவாமி சிலைகள், பித்தளை குத்து விளக்குகள், ஆலய மணிகள், போன்றவற்றை தயார் செய்து வருகிறார்.

இந்நிலையில் கடந்தாண்டு மலேசியா கிள்ளானில் உள்ள சுப்பிரமணியர் ஆலய நிர்வாகம் கும்பாபிஷேகம் செய்வதற்காக வேல் வடிவமைக்க வேண்டும் என முடிவு செய்தது.

இதற்கான விக்னேஷிடம் ஆலய நிர்வாகம் வேல் செய்ய ஆர்டர் கொடுத்தது.

இதில் 15 அடி உயரத்தில் ஓம், மயில் உருவம் பொறித்த வேல் வடிவமைக்கப்பட்டு அடுத்த மாதம்  மலேசியாவுக்கு அனுப்பி வைக்கப்பட உள்ளது.

இந்த வேலின் மேல் பாகம் மட்டும் 175 கிலோ எடையில் 15 அடி உயரத்தில் தயார் செய்யப்பட்டுள்ளது.

மேலும் வெண்கலத்தில் 55 அடி உயரத்திலாக குழாயுடன் அந்த 15 அடி உயரம் உள்ள வேலை இணைத்து மொத்தம் 70 அடி உயரத்தில் பொருத்தப்பட்டுள்ளது என்று அவர் கூறினார்.

- பார்த்திபன் நாகராஜன்